جديد الموسوعة

جاري تحميل اخر الاخبار...

السبت، 17 أكتوبر، 2015

صفات يعشقها الرجل فى المرأة .. تعرفى عليها !





5 صفات يعشقها الرجل فى المرأة


أى بنت من بنات حوا بتتمنى ان الرجل اللى فى حياتها يفضل يحبها علاطول و انها تكون احسن واحدة فى عنيه و تكون هى بيته اللى بيلجأ ليه فى كل الاوقات الحلوة و الوحشة  و اكيد ده ممكن يحصل لو حبيبك لقى فيكى صفات معينة هتجذبه ليكى و تخليه يحبك اكثر …تعالى اعرفى اكثر عن اهم صفات يعشقها الرجل فى المرأة…

1 – الثقة بالنفس :

الرجل دايما بيحب يحس انه معاه كنز او هدية كبيرة و عظيمة عشان كده اكثر حاجة بتجذبه فى الست انها تحسسه انها كده . الست اللى بتخليه يحس انه معاه حاجة كبيرة جدا و انها مش محتاجة تأكيد من حد و انها عارفة قيمتها كويس جدا دى من اهم الحجات اللى هتخلى الرجل يعشقها و هتخليه يحس كمان انه اكثر واحد محظوظ فى الدنيا لانه معاه واحدة جميلة بثقتها بنفسها و بشخصيتها .

2 – المرح :

الرجل بطبيعة حياته و شغله بيتعرض لضغوط كثير و لما يلجأ للست بيحب دايما يكون الوقت معاها فيه راحة مش مشاكل زيادة . هيقربلك جدا و يحب الوقت اللى بيقضيه معاكى لو شاركتيه فى العاب بيحبها زى البلاي ستيشن او العاب الفيديو او لو هزرته و ضحكتيه و تخليتى شوية عن دور الحبيبة و الزوجة التقليدى و الروتينى و شاركتيه لحظات المرح كأنك صديقته .

3 – الانوثة :

الانوثة مش بس بتكون فى المظهر و اللبس و المكياج لكن كمان بتكون فى التعامل و ازاى بتكونى رقيقة معاه فى كل حاجة . خليكى دايما جميلة و متألقة قدامه و حسسيه انه الرجل و انك انتى الست بهدوء صوتك و رقة افعالك من غير ابتذال ولا تصنع . دايما اهتميه بيه و دلعيه و خليه يعرف انه ممكن يستريحلك و يكون طفل قدامك.

4  – السعادة :

مفيش حد فينا بيحب النكد و الزعل الكثير و اى حد ممكن يبعد عن الناس القريببين منه لو لقاهم كلهم كآبة دايما اكيد فى اوقات حزن بتعدى عليكى و كراجل فى حياتك بدوره يخفف عنك لكن اكيد مش هيكون مبسوط لو حس انك علاطول زعلانة و مكتئبة و بتشتكىله من كل حاجة فى الدنيا 24 ساعة . لازم تكونى عارفة ان السعادة دى حاجة من جواكى و بأيدك و عمر ما الرجل مهما كنتى بتحبيه هيكون هو الحل السحرى لمشاكلك . اجذبيه ليكى دايما بابتسامتك و هدوءك و حبك للحياة و السعادة على قد ما تقدرى .

5 – الشخصية القوية و الاعتماد على النفس :

على قد ما الرجل بيحب الست تبان ضعيفة و رقيقة قدامه و انه هو الرجل بتاعها اللى بينفذلها كل طلباتها و هى بتعتمد عليه فى كل حاجة و تحسسه بأهميته فى حياتها على قد برده ما بيعشق الست القوية اللى ليها شخصيتها و ارادتها فى مواجة صعوبات الحياة و بيحس انه ممكن لو وقع فى مشكلة ياخد رأيها و يعتمد عليها كمان و انها مش علاطول مكسورة الجناح و ضعيفة و تقدر تشيل الدنيا معاه , حاولى توازنى ما بين الحاجتين.


_______________________________________________

إقرأ أيضا