جديد الموسوعة

جاري تحميل اخر الاخبار...

الأربعاء، 6 يوليو، 2016

نقعت رجلها في الروزمارى والليمون وما حدث كان مفاجأة !





انقعي رجلك في الروزمارى والليمون لأحلي مساج قدمين


الاهتمام بالرجل و القدمين بيعتبر واحد من اهم الحاجات اللى لازم تكون مودجودة فى روتين عنايتك ببشرتك، خصوصا واحنا فى ايام صيف و الجو حر جدا و بشرتنا بتبقى معرضة للجفاف بشكل كبير جدا ، و ده بيخليها تبقى خشنة و متعرضة للضعف و التقشير ، و واحدة من اكتر الحاجت المفيدة لرجليكى هى انك تنقعيهم ،زي أفلام زمان كده لما كانت الست امينة بتنقع رجل سي السيد لما يرجع تعبان من بره :)

نقع الرجلين مهم جدا مش بس لانه هيفيد بـشرة رجلك لكن كمان هيديكى احساس بالراحة والاسترخاء خصوصا لو بعد وقفة طويلة فى المطبخ او يوم طويل فى الشغل والطريق ، فى المقال ده هتعرفى وصفة جديدة للاهتمام برجليكى و بمكونات موجودة فى مطبخك ..

مساج الرجلين بالروزمارى والليمون:
الوصفة دى مكوناتها مش بس هتساعدك على الاسترخاء و تجديد بشرة رجلك و تقويتها ، لكنها كمان سريعة جدا فى تحضيرها و مبتحتاجش منك اكتر من دقايق قليلة، وكمان ليها فوايد كتيرة جدا لانها تعتبر بتعمل “ديتوكس” لرجليكى لانها تساعدك تتخلصى من كل السموم و البكتيريا اللى ممكن تكون موجودة على رجليكى .

المكونات اللى هتحتاجيها : 

-كمية مناسبة من الروزمارى الفريش او المجفف .

-حبتين ليمون متقطعين شرائح.

-نص كوباية من ملح ابسوم “الملح الانجليزي” هتلاقيه عند اى عطار.

-نص كوباية من البيكنج صودا.

الطريقة :

الخطوة الاولى :

 فى حلة كبيرة اغلى كمية مناسبة من المياة ، و اما تعغلى ضيفى الروزمارى و سيبي المياة تغلى مرة تانية لمدة خمس دقايق علشان الروزمارى و المياة يختلطوا كويس . بعد مرور الوقت ارفعى الحلة عن المياة.

الخطوة الثانية :

فى طبق او وعاء كبير يتسع لرجليكى حطى شرائح الليمون و بعدين رشى كمية متوسطة من ملح ابسوم و البيكنج صودا ، و عليهم حطى خليط المياة و الروزمارى و سيبيها مدة من الوقت لحد ما المياة ترد شوية و تقدرى تستحمليها على رجليكى  .

الخطوة الثالثة : 

 انقعى رجلك فى الخليط لمدة من 15 لـ 30 دقيقة ، كررى الوصفة دى مرة كل اسبوع .

ليه وصفة الروزمارى و الليمون للقدمين مفيدة ؟ 

1-الروزمارى  بيساعد على انه يريح رجلك من التعب و كمان بيساعد على تنضيف البشرة .

2-الليمون معروف انه فوايده كبيرة جدا فى الديتوكس و نلاقيه بيدخل فى كل وصفات الديتوكس

3-ملح ابسوم او الملح الانجليزي مفيد جدا فى انه يعالج العضلات و يريحها لو كانت مشدودة و كمان بيزود بشرتك بالماغنسيوم اللى بيعتبر مفيد للبشرة .

4-البيكنج صودا معروفة كمان انها بتطهر الجسم و البشرة من السموم .


_______________________________________________

إقرأ أيضا