جديد الموسوعة

جاري تحميل اخر الاخبار...

الأربعاء، 22 مارس، 2017

7 حاجات لازم تخليهم دايما سر في حياتك .. اعرفيهم !





7 حاجات لازم تخليهم دايما سر في حياتك !


في حاجات كده قليلة في حياتنا لازم نحافظ عليها وتفضل سر نحتفظ بيه لنفسنا مهما كنتي عايزة تقوليه او شايفة ان الشخص اللي هتحكي له ده قريب منك اوي, وده اللي هنعرفه مع بعض من خلال موضوعنا هنقولكم 7 حاجات لازم تخليهم سر في حياتك.

حاجات لازم تخليهم سر في حياتك:

1- متحكيش عن خططك:

لو بتفكري في خطط معينة في حياتك او لمستقبلك الافضل انك متحكيش عن الحاجات اللي انتي ناوية تعمليها الا لما خلاص تكوني حققتيها ساعتها بس تقدري تقولي, وممكن جدا وده بيحصل كتير انك تكوني متحمسة لحاجة او لفكرة وتحكيها لحد يحبطك ويخليكي متعمليهاش فالافضل انك تحتفظي بيها لنفسك لحد ما تحققيها.

2- متحكيش عن حاجة كويسة او عمل خير عملتيه:

اكيد اكبر ثواب انك تعملي خير او حاجة كويسة من غير ما تقولي انك عملتي يعني اي حاجة عايزة تعمليها الافضل تكون في كتمان ومن غير ما حد يعرف بيها تكون بينك وبين ربنا بس.

3- متحكيش عن اسلوب حياتك:

مش المفروض انك تحكي اسلوب حياتك يعني مثلا انك ماشية على نظام غذائي او بتروحي الجيم او مثلا في عادة معينة بتعمليها ونفسك تبطليها, لان الكلام ده مالوش لازمة تقوليه لحد لان محدش يهمه اسلوب حياتك او اللي انتي عايزة تغيريه في نفسك انتي لازم تكوني متصالحة مع نفسك ومتحاوليش تحكي لحد حاجة عشان تبرري حاجة معينة انتي بتعمليها او تقنعي غيرك باي حاجة في حياتك عشان تسمعي منهم كلمة حلوة او مجاملة لان ده معناه انه انتي معندكيش ثقة في نفسك.

4- متحكيش عن تصرف شجاع عملتيه:

زي بالظبط ما قولنا ان عمل الخير المفروض يكون سر كمان لو في موقف او تصرف انتي عملتيه مع حد ووقفتي معاه او ساعدتيه باي شكل مش المفروض انك تمشي تحكي بقى عن بطولاتك وانجازاتك وانك عملتي كذا وكذا, او لو انتي نجحتي انك تواجهي تحدي معين في حياتك مش لازم تمشي تفتخري بيه في كل مكان ومع اي حد تقابليه يعني لو الحاجة اللي عملتيها اتعرفت اكيد انتي هتلاقي التقدير المناسب من اللي حواليكي من غير ما تحكي حاجة لكن مش انتي تحكي عشان تسمعي كلام تقدير. حاجات لازم تخليهم سر في حياتكحاجات لازم تخليهم سر في حياتك

5- متتبادليش وجهة النظر الخاصة بيكي:

اكيد تبادل الافكار ووجهات النظر مش غلط بس في الغالب معظم الناس كل واحد بيكون مقتنع بوجهة نظره في موضوع معين زي مثلا الحاجات الوجودية الكون ومسائل الحياة والموت لو هو مقتنع بحاجة معينة فيها متحاوليش انك تقنعيه ان هو غلط وانتي اللي صح لان كل واحد بيشوف الموضوع من وجهة نظر مختلفة ومن رؤيته هو فالافضل انك تحتفظي بوجهة نظرك عن اي حاجة لنفسك لانك مش هتغيري قناعات حد ومش هيستفيد برأيك او افكارك في الموضوع.

6- متحكيش مشاكلك العائلية:

متحكيش لاي حد عن مشاكلك او الخلافات العائلية لان دي حاجة خاصة وحطي في اعتبارك دايما انك لما تحكي خصوصياتك واسرار عيلتك وبيتك لاي حد المشاكل هتكبر اكتر وكل ما هتحكي اكتر هتلاقي صعوبة اكتر في حل المشكلة لان مش هيبقى فيه خصوصية وكل شخص هيدخل برأي مختلف في المشكلة وبالتالي هتكبر وتتعقد زيادة.

7- متتكلميش عن حاجة مش كويسة سمعتيها او شوفتيها:

مش كل حاجة تشوفيها او تسمعيها حواليكي تمشي تحكيها لاي حد تقابليه, ممكن تشوفي او تسمعي من سكات مش لازم تحكيها يعني مثلا وصلتك معلومة عن حد او شوفتي تصرف معين لان ببساطة ممكن تكون المعلومة اللي وصلتك مش صح او التصرف اللي انتي شوفتيه حتى انتي مش عارفه ابعاده او سببه او ملمة بالموقف كله, فالافضل انك تتجاهلي اغلب اللي بتسمعيه او تشوفيه وتخليه لنفسك بس.


_______________________________________________

إقرأ أيضا